Shiromani Kavi Pandit Mange Ram Sangi

शिरोमणि कवि पंडित मांगेराम जी द्वारा रचित सांग"पिंगला भरथरी "में से ये रागनी  ली गयी है !

उज्जैन शहर में एक गरीब ब्राह्मण रहता था और शिव की पूजा करते थे !एक  दिन शिव जी उसकी पूजा से खुश हो जाते हैं और उस को एक अमरफल देकर चलें जातें हैं !ब्राह्मण अमरफल को लेकर अपने घर आकर अपनी पत्नी को बताता है,तो उसकी पत्नी कहती है कि अब तो टोटे में बड़ी मुश्किल से  दिन काट रहे हैं !हम अमर होकर क्या करेंगे और क्या कहती है -लाख बरस तक माणस जीया टोटे के मांह मरें गया !के जीणे म्ह जीया साजन धक्के खाता फिरें गया !!टेक!!टोटे के मांह आदम देह कै और उचाटी हो ज्या सै !

टोटे के मांह माणस का जी सौ-सौ घाटी हो ज्या सै !टोटे के मांह सगे प्यारे की तबियत खाटी हो ज्या सै !टोटे के मांह सब कुणबे के रेह-रेह माटी हो ज्या सै !इस तै आच्छा डूब कै मर ज्या दिन भर मेहनत करें गया!!1!!के जीणे म्ह जीया साजन धक्के खाता फिरें गया !!टेक!!

आदम देह नै जन्म लिया मेरै कमरे बैठक नोहरें हो !लोटण खातर पलंग निवारी रहण नै कमरे दोहरें हो !हीरे लाल कणी मणि मेरै धन माया के बोरें हो !रूपवान,बलवान साजन मेरै पांच-सात छोरें हो !इस तै आच्छा कान पड़ाले ता जिन्दगी दुःख भरें गया !!2!!के जीणे म्ह जीया साजन धक्के खाता फिरें गया !!टेक!!

टोटे आले माणस की कोए आबरो करता ना !जित बैठे उडै गाळ सुणै यो साला कितै मरता ना !टोटे के मांह माणस तै कोए आदमी डरता ना !धन का टोटा भर ज्या सै पर माणस का टोटा भरता ना !इस तै आच्छा डूब कै मर ज्या नीच जात तै डरें गया !!3!!के जीणे म्ह जीया साजन धक्के खाता फिरें गया !!टेक!!

मांगेराम कड़े तक रोऊँ,इस टोटे का औड नही !हीरे पन्ने मोहर अशर्फी किस माणस नै इनकी लोड़ नही !मीहं बरसै जब घर टपकै फेर चीज़ धरण नै ठौड़ नही !कातक लगते सोच खड़ी हो ओढ़ण खातर सोड़ नही !शी शी शी शी करै बिचारा जाड्डे के मांह  ठिरें गया !!4!!के जीणे म्ह जीया साजन धक्के खाता फिरें गया !!टेक!!

copyright 2012(c)All right reserved

Kavi Shiromani Pandit Mange Ram Sangi

कवि शिरोमणि पंडित मांगे राम सांगी जी ने आने वाले कलयुग के लोगो को को समझाने के लिए रागनी बनाई थी किस तरह लोग पैसे के पीछे भागेंगे और जो आज बिलकुल सही लग रही है तो रागनी देखिये-

                                                    महाभारत के बाद भुल्ग्ये बात मुरारी की|

                                                  पैसे के म्ह मोहब्बत रहगी दुनिया सारी की||टेक||

                                                  लोग दिखावा वेद पढ़ें और गल माला गळ री|

                                                    भग माह बाणा चेली राखें किसी आजादी मिल री|

                                                  मन्दिर के म्ह चोड़े  खुल री पोल पुजारी की||१||

                                                    पैसे के म्ह मोहब्बत रहगी दुनिया सारी की||टेक||

                                                       दो पैसे के उपर  माणस गंगा जल ठाले|

                                                     पांच साल की छोरी ने वे बूढ़े संग ब्याह्लें|

                                                       कोडी कोडी बेंच के खालें कन्या कुंवारी की||२||

                                                     पैसे के म्ह मोहब्बत रहगी दुनिया सारी की||टेक||

                                                       सारी हाणा काम बदी के कदे करे ना नेकी|

                                                         पीं पीं पीं बाजा बाजे एक ढोलक ला टेकी|

                                                         अपने आँख्यां हमने देखी ठगी प्रचारी की||३||

                                                       पैसे के म्ह मोहब्बत रहगी दुनिया सारी की||टेक||

                                                        मांगे राम गुरु की सेवा घणा धर के ध्यान करे|

                                                         सोच समझ  के चाल तेरी भली भगवान करें|

                                                       जिसा पुग्गे उस दान कर भक्ति घर बारी की||४||

                                                        पैसे के म्ह मोहब्बत रहगी दुनिया सारी की||टेक||

By 

Sahil Kaushik Grandson of Pandit Mange Ram

+918607444910,

+919802703538 begin_of_the_skype_highlighting            +919802703538      end_of_the_skype_highlighting

copyright2012(c)

all right reserved 

Shiromani Kavi Pandit Mange Ram Sangi

शिरोमणि कवि पंडित मांगे राम जी  ने ग्रामीण समाज में फैली हुई कुरुतियाँ जैसे नशे के आदि होना,बड़े बुजुर्गों का अपने परिवार को अपने स्वार्थ के लिए तोडना तथा पति-पत्नी एक छत के नीचे एक दुसरे के प्रति षड्यन्त्र रचना,उनके उपर करारी रचना लिखी है!और सभी को नशा ना करने के लिए प्रार्थना की है वो भी करबद्ध!

दया धर्म सब जा लिए,जा लिए दीन ईमान !!टेक!!

जमाने तने के करी.किसे रंग दिखाए हो .............

बीर-मर्द आपस के मांह धोखा करके करते बात !

एक जगहां  रहणा-सहणा काम करै दिन-रात !

न्यारी-न्यारी गाँठ सबकी खाणा-पिणा  एक साथ !

बाबू बोल्या छोरे सेती लेरया सूं भतेरा माल !

मेरी गेल्याँ न्यारा होइए,खूब द्यूंगा लते चाल !

फागण म्ह तने घी दे द्यूंगा,छोरे गेल्याँ करिये आळ !

छोरा-बहू न्यू बहका लिए,या बूढ़े तेरी शान !!१!!

जमाने तने के करी.किसे रंग दिखाए हो .............

दया धर्म सब जा लिए,जा लिए दीन ईमान !!टेक!!

बेटी चाहवे माँ की गेल्याँ लुट लेज्याँ सारे घर नै !

भाई-भावज दोनों रोवें पीट-पीट अपने सिर नै !

पिहिरयाँ पै माळ लेके राजी राखे ब्याहे वर नै !

ब्याहा वर तै सुल्फा पीवै,बेच खाई सारी टूम !

किसे तै भी बोले कोन्या एकला फिरे जा सूम !

आठ जगहां  तै लते जळ रहे टोटे नै मचाई धूम !

कासण बेच कै नै खा लिए,फिर चा की करी दुकान !!२!!

जमाने तने के करी.किसे रंग दिखाए हो .............

दया धर्म सब जा लिए,जा लिए दीन ईमान !!टेक!!

बीडी-चाए,पान बेचे सबते बोले करके प्यार !

महीने म्ह दिवाला लिकड़ा उसने पीगे मिन्त्र-यार !

पिसे मांग्ये जूत बाज्या सारी बाकी रही  उधार !

महीने भीतर घर नै आग्या एक लिया ङांडा मोल !

२० बीघे धरती बोई,बीज गेरया तोल तोल !

सुल्फा पीकै पड़ के सोग्या,धंधा लिया चोरां नै खोल !

गधा तलक भी बहा लिए,फेर पागल कहै जहान !!३!!

जमाने तने के करी.किसे रंग दिखाए हो .............

दया धर्म सब जा लिए,जा लिए दीन ईमान !!टेक!!

                             ब्याही बीर घर नै छोड़ी,बोहरियाँ का टोह्या मठ !

                              भगमा बाणा कान पड़ाय़े,एक कीकर का ठाया लठ !

                                    दिए माई-दिए माई,गोरै जा लगाया भठ  !

                               बालकपण म्ह बिगड़ होग्या,सोने का बणाया रांग !

                            लख्मीचंद नै देख देख इस दुनिया का बणाया सांग !

                                 मांगेराम हाथ जोड़े छोड़ दियो नै सुल्फा भांग !

                               गंगा जी से नहा लिए,म्हारा बसियो हिंदुस्तान!!४!!

                          जमाने तने के करी.किसे रंग दिखाए हो .............

                            दया धर्म सब जा लिए,जा लिए दीन ईमान !!टेक!!

Shiromani Kavi Pandit Mange Ram Sangi

शिरोमणि कवि पंडित मांगेराम जी ने १५ अगस्त १९४७ के बाद राजनीति का एक बहुत बुरा पक्ष देखा!सत्ता के लिए लीडरों की भाग दौड़ शुरू हो गयी थी !हर कोई नेता बनने के चक्कर में रहता !वे सभी नये लीडर,श्री भगत सिंह,आजाद,लक्ष्मीबाई,सुभाष चन्द्र बोस,महात्मा गाँधी,पंडित जवाहरलाल नेहरु के बलिदानों को भूल कर सत्ता की अंधी दौड़ में शामिल हो गये !हर कोई नेता बनने के चक्कर में रहता था !
शिरोमणि कवि पंडित मांगेराम जी ने उन नेताओ का वर्णन निम्न प्रकार से किया है-
कोए कोमनिस्ट,कोए सोशलिस्ट,कोए लीग जमीदारा सै !
रै लीडरी के मारे रोवैं यू मतलब सारा सै !!टेक!!

घर म्ह जूत लुगाई मारै,देखै बाट लीडरी की !
बीस-तीस की गिणती कोन्या,गेल्याँ साठ लीडरी की !
जेल म्ह जाकै करै कुर्बानी,ख़ुलरी हाट लीडरी की !
ठग,डाकू,और चोर,लुटेरे,मारै डाट लीडरी की !
डूब कै मर जाओ औ गद्दारों थारा कित का भाई चारा सै !!१!!
रै लीडरी के मारे रोवैं यू मतलब सारा सै !!टेक!!

जवाहरलाल श्री गाँधी जी की,गेल बणा चाहवें सैं !
कांटे कितने पैने कोन्या सेल बणा चाहवे सैं !
चौकीदार भी मानै कोन्या पटेल बणा चाहवे सैं !
जितने लंगड़े,लूले सारे रेल बणा चाहवे सैं !
असम्बली की बात करै घरां कर्जे के 1800 !!२!!
रै लीडरी के मारे रोवैं यू मतलब सारा सै !!टेक!!

गाँधी जी नै न्यू सोची दिल ठंडे तै मानेगें !
जवाहरलाल नै न्यू सोची कुछ झंडे तै मानेगें !
अपणे भाई अपणी जनता प्रोपगंडे तै मानेगें !
रिश्वत खोरी,ब्लैक करणीयां सब डंडे तै मानेगें !
सोच समझ कै देख लियो यू राजपाट थारा सै !!३!!
रै लीडरी के मारे रोवैं यू मतलब सारा सै !!टेक!!

लन्दन आले आच्छे लिकड़े देकै राज अलग होगे !
600 रियासत भारत के म्ह देकै ताज अलग होगे !
गेल्याँ रुक्के मारणियां थे सब दगा बाज अलग होगे !
घर की ढोलक,घर का बाजा लेकै साज अलग होगे !
मांगेराम थारा सुणता कोन्या फुटा होड़ नगारा सै !!
रै लीडरी के मारे रोवैं यू मतलब सारा सै !!टेक!!

copyright 2012(c)
all right reserved

Kavi Shiromani Pandit Mange Ram Sangi

कवि शिरोमणि पंडित मांगेराम जी की रागनियाँ ऐसी है कि जो बूढ़े-बुजर्ग आदमी है वे उनकी रागनियों की पंक्तिया आज अपनी देसी हरियाणवी भाषा में मुहावरों की तरह इस्तेमाल करने लगे है जिस में से में कुछ उदाहरण मैं(साहिल कौशिक पौत्र श्री कवि शिरोमणि पंडित मांगेराम)आपके सामने प्रस्तुत कर रहा हूँ!आशा है कि ये पंक्तिया अर्थात हरियाणवी मुहावरे आपको भी पसंद आयेंगे क्योंकि ये उनकी रागनियों में से है!

ब्याह तै हो सै बना-बनी का लोग मजे लूटे सै !

बेटी का के धन बाप के पाळी पोषी ब्याह दी !

कहै मांगेराम पार हो ज्यागा नीत राखिये हर में !

देख बिराणी चौपड़ी क्यों ललचावे जी !

गूंगे की माँ समझया करै गूंगे के इशारा नै !

भुंडे कामा धोरै लोगो मांगेराम नही सै !

राजा रुस्से नगरी ले ले,के और देश में राह कोन्या !

वहां धोबी के करै जड़े नगों का गाम !

लेणा एक ना देणे दो दिलदार बणे हांडे सै !

बीर चलत्र सुण राखे तू मर्द चलत्र कर जाणे !

बेटी बहु ठिकाणे आछी बिना ठिकाणे कुछ ना !

कहै मांगेराम पाणची तेरी कांशी हो ज्यागी !

जुनसी मांगेराम कह दे  लोगो सौल़ा आने साची होगी !

इब तेरे कैसे लख्मीचंद हजार बणे हांडे सै !

जड़े भुत तिसाये मरया करैं थे बागड़ में गंडे चूसा दिए !

सबके बसका गाणा कोन्या यो मरग्या देश राम्भ कै !

 साँगी भजनी फिरै गावते इसी कविताई में सौ ल्या दयूं !

धन्यवाद,

साहिल कौशिक,

दूरभाष:+919813610612

Kavi Shirmani Pandit Mange Ram Sangi

कवि शिरोमणि पंडित मांगे राम जी को पहले ही पता था कि कलयुग में क्या किस तरह सभी देवताओं  को भूलकर पैसे,रूपये को जोड़ने के लिए लोग क्या क्या करने को तैयार हो जायेंगे|  और लडकियों का शोषण भी गलत होगा|

तो देखिये पंडित मांगे राम जी ने क्या लिख दिया और कितनी सच्चाई है-

महाभारत के बाद भुल्ग्ये बात मुरारी की|

पैसे के म्ह मोहब्बत रहगी दुनिया दारी  की||टेक||

लोग दिखावा वेद पढ़ें और गळ माला घल री|

भगमा बाणा चेली राखें किसी आजादी मिल री|

मंदिर के म्ह चोंडे खुल  री,पोल पुजारी की||१||

पैसे के म्ह मोहब्बत रहगी दुनिया दारी  की||टेक||

दो पैसे के उपर दुनिया चोडें  जल ठालें|

पांच बरस  की छोरी  ने ये  बूढ़े के  संग ब्याह्लें |

हड्डी हड्डी  बेंच के खालें,कन्या क्वांरी की||२||

पैसे के म्ह मोहब्बत रहगी दुनिया दारी  की||टेक||

सारी हांणा काम बदी के,कदे नही  नेकी |

पीं पीं पीं बाजा राखें एक ढोलक ल्या टेकी|

अपणी आंख्या हम नै देखि ठगी प्रचारी की||३||

पैसे के म्ह मोहब्बत रहगी दुनिया सारी की||टेक||

मांगेराम गुरु की सेवा सुबहो-शाम  करे|

सोच समझ कै चालें ज्या तेरी भली भगवान करें|

जिसा पुगै उसा दान करे भक्ति घरबारी की||४||

पैसे के म्ह मोहब्बत रहगी दुनिया सारी की||टेक||

Sahil Kaushik,

+919813610612

email:Sahilkshk6@gmail.com

Kavi Shiromani Pandit Mange Ram Sangi

क्रमश: जारी

             घर से जाने के बाद पंडित मांगे राम जी ने अपनी गाड़ियों का काम-धंधा बिल्कुल बंद कर दिया|घेर में खड़ी उनकी गाडी में जानवरों ने अपना बसेरा बना लिया|वे पंडित लख्मीचंद जी के उपासक बन गये थे|फिर एक दिन पंडित मांगेराम जी ने पंडित लख्मीचंद जी को अपना गुरु धारण कर लिया|उस समय पंडित लख्मीचंद जी का सांग का बेड़ा धर्राट कर रहा था|

             पंडित मांगेराम जी भी अपने समकालीन कलाकारों से आगे बढ़ गये थे|उनका एक तो शरीर का रौब,फिर बुद्धि का कमाल|उनकी छन्द रचना बड़ी ही कसी हुई होती थी|पर अपने को गुरु लख्मीचंद जी के आगे कुछ नही समझते थे|सांगो में रह कर वे और भी बहुत कुछ जान गये थे|पंडित लख्मीचंद छन्द जी के बेड़े में उनके साथ पंडित माईचंद,पंडित चन्दन मनाणा आदि समकालीन कलाकार थे|जो मंच पर रागनी भी गाते थे और जनाना पार्ट भी किया करते थे|स्वयं पंडित लख्मीचंद जी भी कई सांगो में जनाना पार्ट करते थे(लख्मीचंद माळी की बण कै बांध्या करता साड़ी)|

            पंडित मांगे राम जी का कहना था कि,"सांगियाँ की जात इसी होवे है जिसा कुते का व्यवहार होवे है"|वो आपस में एक दुसरे को काटने पर आमदा रहते हैं|इस प्रकार के सांगी भी होते हैं|वे सभी ईर्ष्यालु स्वभाव के,एक दुसरे की टांग खीचने वाले थे|पंडित मांगेराम जी के सांग में गुणों के कारन जन-मानस में तो आदर बढ़ गया|परन्तु सांग बेड़े में पंडित मांगेराम जी का वर्चस्व बढने के कारण कलाकार जो कि पंडित लख्मीचंद के बेड़े में थे|वे सब जलने लगे तथा गुरु लख्मीचंद जी के भी कान भरने लगे|पंडित लख्मीचंद जी सुरापान तो करते ही थे,उनको गुस्सा जल्दी आ जाता था|गुरु जी के शिष्यों में से किसी एक ने पंडित लख्मीचंद जी से कहा कि मांगेराम जी से सांग में जनाना पार्ट भी करवाओ,क्योंकि पंडित मांगेराम जी ने अब तक मर्दाना पार्ट ही किया था||

             एक दिन जब गुरु लख्मीचंद जी ने ज्यादा शराब पी रखी थी|जो वे अक्सर पीते थे |जनाना पार्ट करने का,पंडित मांगेराम जी को जोर देकर कहा परन्तु पंडित मांगेराम जी ने इंकार कर दिया|पंडित लख्मीचंद जी को गुस्सा आ गया|वे कहने लगे,"गुरु का कहना नही मानता"|पंडित मांगेराम जी ने कहा,"गुरु जी मैं आपकी मन-आत्मा से इज्जत करता हूँ|आपकी मैंने सारी बात मानी हैं|परन्तु सांग में सबसे ज्यादा आपके कलाकारों द्वारा मेरे प्रति ही व्यवहार अच्छा नही होता"|पंडित लख्मीचंद जी का गुस्सा सातवें आसमान पर था|वे कहने लगे,"तू मेरे बड़े ते चल्या जा फैर कदे मत आइये"|स्वाभिमानी पंडित मांगेराम की आत्मा पर ठेस लगी|उन्होंने उसी रोज सांग में से निकल जाने का मन बना लिया|जब वे मन करड़ा करके निकलने लगे,तो भावुक होकर अपने गुरु के चरण स्पर्श करने लगे तो पंडित लख्मीचंद जी ने मना कर दिया|वे चौपाल से निकलने लगे थे कि पंडित लख्मीचंद ने उनको वापिस बुलाया तो पंडित मांगेराम जी ने सोचा कि शायद गुरु जी का मन बदल गया होगा|तो पंडित मांगेराम जी वापस आये तो लख्मीचंद जी बोले,"सुण मेरी बात,आज के बाद तू कदे भी मेरी रागनी नही गावैगा|इब चाल्या जा आड़े तै"|तो पंडित मांगे राम जी ने जातेजाते अपने गुरु जी से कहा कि,"गुरु जी मैं कदे भी आपकी रागणी नही गाऊंगा पर जो मेरे दिल में आपके प्रति भक्ति भावना है उसे मैं प्रदर्शित जरुर कहूँगा और ये कहकर पंडित मांगेराम जी वहां से चले गये|

स्वाभिमानी पंडित मांगेराम जी का मन बहुत उदास हो गया था|परन्तु एक द्रढ़ निश्चय भी कर लिया था कि गुरु जी को उनके जीते जी कुछ बन कर दिखाऊंगा|और इस तरह वे अपने गुरु लख्मीचंद जी  से दूर हो गये|

लेखक-नवरत्त्न शर्मा सुपुत्र श्री कवि शिरोमणि पंडित मांगेराम सांगी 

मोबाइल-+919802703538 begin_of_the_skype_highlighting            +919802703538      end_of_the_skype_highlighting

email:sahilkshk6@gmail.com